EGH Ekintzaileen prestakuntza edo "profesional berriaren" harrobia?
"Ikasi beharrekoa eginez ikasten dugu" Aristoteles
Orain arteko kudeaketa- eta negozio-eredu nagusia asaldatzen ari diren eszenatoki berrien aurrean, sentsibilizazioko eta ekintzailetzari laguntzeko programak ugaritzen ari dira. Kontsigna hau dela dirudi: "lan egin nahi baduzu, jarri zure enpresa".
EGH (Enpresa Gazte Hezitzailea) metodologia didaktiko oso eraginkor, goraipatu eta jardunbide egoki gisa aipatu da Europako ekintzailetzaren tratamenduan, erdi bideko hezkuntza mailetatik. Antzeko metodologien aurren duen puntu nagusia enpresen "merkatuaren" sorrera da; ikasgelako hormak gainditzen ditu eta "ahizpa zaharragoek" errealitatean egiten duten bezala, beren produktua/zerbitzua ekoizten eta saltzen dute. Ez da simulagailua. Ikaskuntzan adituak direnek, Roger Schank edo Javier M. Aldanondok kasu, "Learning by doing" adibide argia dela esango lukete; ikasleek ez dituzte azterketak gainditu behar edo kontzeptuak eskuratu behar: egiten duten heinean ikasten dute.
Zerbait mugimenduan dago LHn, ikasle gehienek modulu hauek egiten baitituzte: Lanerako Prestakuntza eta Orientabideak (LPO), Enpresa eta Ekimen Ekintzailea eta proiektua. Hor erakusten dute EGH bezalako ikaskuntza-esperientziek benetako potentzia. Hala ere, utopikoa litzateke pentsatzea prestakuntzaren magiak horiek guztiak egundokoak egitera eta bidezko denbora-tartean enpresa sortzera bideratuko lituzkeela eta enplegua eta aberastasuna sortzera gure inguruan. Nahiago nuke egia balitz! Ez da hori helburu nagusia, ordea. Esan dezagun beldurrik gabe.
Giza baliabideetan adituak direnen arabera, enpresek eskatu eta aukera handiagoak eskaintzen dizkiete iniziatiba duten profesionalei, komunikatzaile onak direnei, taldean lan egiten dakitenei, modu autonomoan lan egiten dutenei eta akatsak egiteko beldurrik gabe erabakiak hartzeko gai direnei, horietatik ikasteko gai direlako eta arazoak ebazten dakitelako... itxurarik ematen al diogu? Hori da EGHn ikasten ahalegintzen direna.
Programa berritzaile horrek enpresek gehien eskatutako eta balioetsitako gaitasunak garatzea ahalbidetzen badu, ez litzateke ausarkeria izango EGHk ikasleei lan-aukera gehiago izaten laguntzen diela esatea. Ekintzaile izateak errealitatea ohiko moduan ez bezala interpretatzea eta denok ikusten dugun horretan gauza desberdinak ikustea esan nahi du. Azken batean, irtenbideak ikustea beste batzuk arazoak ikusten dituzten lekuan. Berritzaileak, sortzaileak eta ekimena duten pertsonek ez dute erabakiak hartzeko beldurrik, erroreak motibatu egiten ditu eta beren ikaskuntzaren elikagaia da. Beren ideietan sinisten dute eta arrakastan konfiantza dute. Ilusioa, pasioa eta motibazioa dute eta kutsatu egiten dute. Ohitura zaharrak apurtzeko eta konpromiso soziala leialtasunez hartzeko gai dira (ekintzailetza soziala).
Horietako zenbaitek beren abentura hasiko dute, baina gehienek erakundean edo sailean ekintzaile izan behar duten profesionalen belaunaldi berria osatuko dute, enpresarekiko erantzukidetasuna hartuta. LPko koordinatzaile eta San José de Calasanzeko enplegu-poltsaren arduradun gisa oso ohikoa da enpresek ikasleen profil hori eskatzea eta ondoren honela esaten didate: "gainerakoa lanean ikasiko du". Agian honela esan behar genuke: "Ez kezkatu, eskatzen dituzun ikasleak ditut: EGH egin zuen".
