Teknologia berriak, aukera berriak

Aurrerapen teknologikoak aldaketa handiak ekartzen ditu, bai arlo sozialean, bai arlo ekonomikoan. Teknologia funtsezko pieza da berrikuntzaren eta Lanbide Heziketaren barnean.
 
Ildo horretan, TKNIKAren helburua da teknologia bat sortzen denetik euskal gizarteak haren onuraz gozatu arte igarotzen den denbora?tartea murriztea eta Euskadin merkatu?hobi berriak garatzea ahalbidetzen duten teknologiak ikertzea.
 
Prospektibaren bidez, joera teknologiko berriak identifikatzea lortzen dugu, eta, ondoren, horietan trebatuta, garatu egiten ditugu, beren aukera guztiak ikertuz eta prestakuntzan, produkzioan edo negozio berrien sorkuntzan izan dezaketen aplikazioa aztertuz. Eta azkenik, jakintza gizarteratzen dugu modurik eraginkorrenean, Lanbide Heziketako ikastetxeen bitartez.
 
Erronka horri heltzeko, arloa hainbat lan?ildotan banatzen da eta lan?ildo bakoitzean hainbat proiektu garatzen dira. Proiektuak sarean lantzen dira, eta, horri dagokionez, Lanbide Heziketako ikastetxeen sarea proiektuen garapenaren protagonista da, baita sortutako jakintza enpresei eta, oro har, euskal gizarteari helarazteko bitarteko nagusia ere.
 
Proiektuak garatzeko ditugun lan?ildoei loturik, TKNIKAk hainbat zerbitzu ematen ditu:
 
Lanbide Heziketak enpresetan, eta batez ere ETEetan, berrikuntza garatzeko duen garrantziaz jabetuta, gure erakundearen leitmotiv?a da gizartearen premia berriei erantzutea eta enpresa?ekimeneko aukera berriak antzematea, baita enplegua sortzea errazten duten proiektuak garatzea ere.
Ikerketa eta Berrikuntza Teknologikoaren barruan, bi lan?ildo nabarmentzen ditugu: bata, berrikuntza ETEetara hurbiltzea jomugan duena eta Berrikuntza teknologikoa esango dioguna; eta bestea, merkatu berriak garatzera bideratuta dagoena, Ikerketa aplikatua izenaz adieraziko duguna.