Mekanizazio-prozesuak. Abiadura handiko mekanizatua (AHM)
Helburuak:
Transformazio metalmekanikoaren industrian prozesuak hobetzeko interes handia dute. IKTetan, CNCetan eta erremintetan izan diren aurrerapenek prozesuen errendimendua hobetzeko aukera ematen dute. Aurrerapen horiek LHn ematen diren eduki eta zerbitzuak eguneratzeko premia dakarte. Kontua da LHko zentroen eta enpresen artean proba esperimentalak egitea, betiere txirbil-harroketako prozesuetan errendimendu handiko mekanizazioaren filosofia erabiliz. Proba horiek transformazio-enpresetan erabiltzen diren material berrien mekanizaziorantz urrats bat egitean dautza, baita betiko materialen mekanizazioko baldintza eta estrategiak hobetzean ere. Halaber, berrikuntza erremintetan, estrategietan, softwarean eta makinetan aplikatuko da.
Proiektu honen bitartez, halaber, ETEei erantzuten zaie prozesuen hobekuntzan eta sektore berrien sarreran. Erantzun horrek honako sektore hauek hartzen ditu eraginpean: aeronautika, medikuntza, energia eolikoa eta industria tradizionalak, automozioa, MH edo industria laguntzailea.
Zentro partehartzaileak:
Mendizabala (Gasteiz) - Angel Peña Miguel Altuna (Bergara) - Joxu Arana Usurbil (Usurbil) - Javier Castro IMH (Elgoibar) - Juan Munin Bidasoa (Irun) - Iñaki Añoga Easo (Donostia) - Jose Antonio Florindo Tolosaldea (Tolosa) - José Mª Solis
Parte hartzen duten enpresak: Createch, AYA, Kanter, Rectificados Kar, Zubiola.
