Alanbrearen eraldaketa prozesuak

§          Irakasleria alanbrearen transformazio prozesuetan formatzea.

§          Alanbrearen transformazio prozesuen gaineko eta hotzeko deformazioen gaineko dokumentazioa sortzea.

§          Alanbrearen transformazio prozesuetako industrietarako langile kualifikatuak formatzea.

§          Alanbrearen transformazio prozesuekin zerikusia duten estatu mailako zein nazioarteko ikerkuntza zentro, unibertsitate, garapen teknologikoko zein enpresa-garapenerako zentroekin, elkarlanerako harremanak sortzea eta elkarlanean oinarritutako proiektuak sustatzea.

§          ATPIko langile eta teknikoen gaitasunak hobetzen lagunduko duten trebatze-teknikorako maila desberdinetan programa iraunkorrak garatzea:

o        Hezkuntza arautuaren barruan Langile berrien formazioa, bai gaur egungo formazio zikloetan, baita berariazko zikloetan ere.

o        Lanean diharduten langileak HOBETUZen bitartez trebatzea.

o        Langabezian dauden langileak Lan Sailaren eta INEMen bitartez formatzea.

Alanbrearen transformazioan diharduten enpresen eskaerei aurre eginez, arlo honetako hainbat prozesuren azterketa eta garapena landuko da proiektu honetan, LH-rako unitate didaktikoak sortuz.

Hotzeko deformaziorako teknologiek garrantzi berezia izango dute proiektuan, LHtan landu gabeko esparru bat izateaz gain, alanbrearen transformazioan oinarrizko eragiketa delako. Teknologia hauek gaurdaino enpresetan garatutako jakiturietan oinarritu dira, ikerketa eta garapena bakoitzak bere kabuz eta eskura zuten baliabideekin landuz. LHtan arlo hauetako formazio falta ere oztopo handia izan da enpresentzat, langileen formazioa, bai oinarrizkoa eta baita etengabekoa ere enpresak gehienetan, euren gain hartu behar izan baitute.

Abian den proiektu honen bidez LHko hutsune hori bete nahi da. Proiektu honen lan eremua zabala eta anitza denez, gutxien garatutako teknologiarekin abiatuko gara, hotzeko deformazio prozesuekin alegia. Horretarako gure asmoa, enpresetan  urtetan garatutako ezagutzak bildu, garatu, moldatu eta modulu desberdinetan banatzea da, UDak sortuz. Proiektu hau aurrera eramateko beraz, behar –beharrezkoa da enpresekin orpoz horko lan egitea, beraien beharrak uneoro ezagutuz.

Hasiera honetan lantzeko asmoa dugun gaien artean honakoak aipa genitzake:

·         Hotzeko deformazio bidez ekoizten diren piezen garapena.

·         Hotzeko deformaziorako erreminten diseinua.

·         Hotzeko konformaziorako makina progresiboen erabilera.

·        Prestatze eta bukaerako eragiketak.