ABSORTZIO BIDEZKO HOZKETA-ko proiektuaren transferentzia ikastaroa

Tknikako arlo teknologikoko departamentutik Maiatzaren azken astean “ABSORZIO BIDEZKO HOZKETA”ko proiektutik antolatzen ari garen transferentzia ikastarora gonbidatzen zaituztegu.

Iazko Ekainean, Eguzki energia termikoaren bidezko hozketako proiektu honen aurkezpenerako, jardunaldi bat egin zen. Oraingo honetan jardunaldi horri ikastaro kutsua eman eta osatzeko asmotan antolatu dugu datorren ikastaroa.

Ikastaroaren iraupena 10 ordukoa izango da, Maiatzaren 26 eta 28 eta Tknikako istalazioetan. Bi egunetako ordutegia goizezkoa izango da, 9:00tatik 14:30tara.

Ikastaro honen helburuak Euskal Autonomia Erkidegoko irakaslegoari proiektuaren 3 urteetan ikasi duguna azaldu, sortu ditugun materialak entregatu, eta absortzio bidezko hotzaren hainbat klabe erakuste izango da. Horrela teknologia hau gure ikastetxeetara eraman eta zabaltzeko asmoz.

Plazak mugatuak dira, 20 pertsona. Horregatik ikastaro honetan parte hartzeko interesa duenak lehen bait lehen apuntatu beharko du. Ikastaroan izena emateko modua, behekaldean ageri den formularioa betetzea izango da.

Ikastaroan zehar ondorengo atalak landuko dira:

1. Eguzki energia termikoaren oinarria.

2. Absortziozko sistemen oinarria.

3. Rotartica ekipoa eta honen gaineko praktikak.